काठमाडौँ, २ माघ । नेपाली बजारमा मंगलबार सुनको मूल्य घटेको छ । आज सुनको मूल्य तोलामा एक सय रुपैयाँ घट्दै प्रतितोला एक लाख १९ हजार चार सय रुपैयाँमा कारोबार भइरहेको छ ।
यसअघि हिजो प्रतितोला एक लाख १९ हजार पाँच सय रुपैयाँमा सुनको कारोबार भएको थियो । त्यस्तै आज चाँदीको मूल्य पनि तोलामा पाँच रुपैयाँ घट्दै प्रतितोला एक हजार चार सय १५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।