समाजिक फीड
जनकपुरधाम पुस २९ गते ।
मोटरसाइकल दुर्घटनामा पर्सामा एक जनाको मृत्यु भएको छ ।
मृत्यु हुनेमा पोखरीया नगरपालिका–१० शिवबर्वा बस्ने ४५ वर्षीय पन्नालाल साह रहेको प्रहरीले जनाएको छ । प्रहरीका अनुसार मोटरसाइकलमा तीनजना सवार थिए ।
सखुवा प्रसौनी गाउँपालिका–५ पटनिस्थित बाटोमा ना १० प १५१८ नम्बरको मोटरसाइकल शनिबार राति अनियन्त्रित भई पुलको पोलमा ठोक्किएर दुर्घटना भएको हो ।
दुर्घटनामा गम्भीर घाइते भएका उनको स्थानीय मेडिकल हुँदै थप उपचारको लागि पोखरीया अस्पतालतर्फ लैजाने क्रममा बाटोमै मृत्यु भएको प्रहरीले जानकारी दिएको छ ।
मोटरसाइकलमा सवार अन्य २ जना फरार छन् ।
हाल फरार व्यक्तिहरूको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।