समाजिक फीड
जनकपुरधाम, पुस २५ गते ।
मोटरसाइकल चोरी गरेर भाग्दैगर्दा महोत्तरी प्रहरीले एकजनालाई पक्राउ गरेको छ ।
पक्राउ पर्नेमा धनुषाको मिथिला नगरपालिका– १ लक्ष्मीबास बस्ने २६ वर्षीय हिरेन्द्र महरा चमार रहेको प्रहरीले जनाएको छ ।
बुधबार राति करिब २ बजे गौशाला नगरपालिका –४ रजखोरस्थित विनोदकुमार सिंहले आफ्नो आँगनमा पार्किङ गरी राखेको ज ९ प ३५५ नम्बरको डिस्कभर मोटरसाइकल चोरी गरेर भाग्दै गर्दा चमारलाई पक्राउ गरेको जिल्ला प्रहरी कार्यालय महोत्तरीका प्रहरी प्रवक्ता प्रहरी नायब उपरीक्षक दिलीपकुमार गिरीले जानकारी दिए।
उनका अनुसार चमारलाई गौशाला– ७ स्थित सम्सी माईस्थान सडक खण्डमा मोटरसाइकल चलाएर लगिरहेको अवस्थामा प्रहरीले जनाएको छ ।
ईलाका प्रहरी कार्यालय गौशालाबाट खटिएको प्रहरी टोलीले खोजतलास गर्ने क्रममा बिहान ८ बजे उनलाई मोटरसाइकल सहित नियन्त्रणमा लिएको हो ।
घटनाबारे थप अनुसन्धान भइरहेको प्रहरीले जनाएको छ ।