समाजिक फीड
जनकपुरधाम, पुस २४ गते ।
जनकपुरधामको बसपार्कबाटै एउटा बस चोरी भएको भएको छ ।
जिरोमाइलस्थित रहेको बसपार्कमा पार्किङ गरि राखिएको बस चोरी भएको जिल्ला प्रहरी कार्यालय धनुषाले जनाएको छ ।
जनकपुरबाट भिठामोड चल्ने ना ४ ख २३२७ नम्बरको बस चोरी भएको हो ।
बसधनी पिपरा गाउँपालिका ३ बस्ने कालिन्द्र मिश्रले सोमवार साँझ नवदुर्गा यातायात प्रालिको बस पार्किङ गरेर हिँडेका थिए ।
तर मंगलवार दिउँसो ४ बजेतीर पुग्दा त्यहाँ बस फेला नपरेको मिश्रले प्रहरीलाई बताएका छन् । जिल्ला प्रहरी कार्यालय धनुषाका प्रहरी प्रवक्ता डिएसपी रञ्जन अवाका अनुसार प्रहरीले अहिले बस खोजताल गरिरहेको छ ।
‘अर्को जिल्लामा बेवारिसे अवस्थामा एउटा बस फेला परेको सूचना आएको छ । त्यो चोरी भएकै बस हो कि अर्को हो हामी भेरीफाइ गर्दै छौँ,’ उनले भने ।
घटनाबारे अनुसन्धान भइरहको प्रहरीले जनाएको छ ।