समाजिक फीड-
जनकपुरधाम, पुस २० गते ।
बाराबाट प्रहरीले विभिन्न मुद्दमा फरार रहेका चार जनालाई पक्राउ गरेको छ ।
अपहरण तथा शरिरबन्धक, कुटपिट र लागुऔषध मुद्दामा दोषी करार भई फरार रहेका चारैजनालाई पक्राउ गरेको जिल्ला प्रहरी कार्यालय बाराले जनाएको छ ।
सिम्रौनगढ नगरपालिका–८ कचोर्व बस्ने ५० वर्षिय रामाज्ञा प्रसाद यादब, जीतपुर सिमरा उप महानगरपालिका वडा -७ जितपुर बस्ने २७ वर्षिय जितेन्द्र सहनी, कलैया उपमहानगरपालिका–१५ बकुलहर बस्ने अंसारुल हक र इजहार मियाँलाई पक्राउ गरिएको बाराका प्रहरी प्रवक्ता डिएसपी दधिराम न्यौपानेले बताए ।
उनका अनुसार शरीर बन्धक तथा अपहरणको मुद्दाका फरार रहेका रमाज्ञालाई ६ महिना कैद सजाय तोकिएको छ । लागुऔषध मुद्दामा फरार रहेका जितेन्द्र सहनी लाई ९ वर्ष कैद र १० हजार जरिवाना सजाय तोकीएको छ ।
त्यस्तै कुटपिट मुद्दामा फरार रहेका अन्सारुल हक लाई ६ हजार ५सय ५३ रुपिया सजाय तोकिएको छ ।
कुटपिट मुद्दामा फरार रहेका ईजहार मियाँ लाई ६ हजार ५सय ५३ रुपिया सजाय तोकिएको छ ।