समाजिक फीड
जनकपुरधाम, पुस १८ गते ।
बडहर्वा पुल निर्माण सम्पन्न गर्न माग गर्दै स्थानीयले रौतहटमा चक्काजाम गरेका छन् ।
वीरेन्द्र राजमार्ग अन्तर्गतको यमुनामाई नगरपालिका ४ स्थित गौर चन्द्र निगाहपुर सडकखण्ड स्थानीयले दिउँसो दुई बजेदेखि अबरुद्ध गरेका हुन् ।
१० वर्षअघि निर्माणका लागि शिलान्यास गरिएको पुल निर्माण सम्पन्न गर्न सरकारले ध्यान नदिएपछि आफुहरु आन्दोलन गर्न बाध्य भएको नेपाली कांग्रेसका नेता नितेश गुप्ताले जानकारी दिए ।
उनका अनुसार अलपत्र छोडिएको पुलको बिम सल्याबको काम गर्न बाँकी छ । ‘जबसम्म भौतिक पुर्वाधारमन्त्रीले हामीलाई कहिले पुल निर्माण हुने भनेर भन्नुहुन्न तबसम्म हामी आन्दोलन जारी राख्छौँ, उनले भने ।
चक्काजामले दर्जनौ सवारी साधन तथा यात्रीहरु अलपत्र परेको छ ।
यद्दपी अर्को बाटो भएर गाडी गनत्वयतर्फ गइरहेको जिल्ला प्रहरी कार्यालय रौतहटकी प्रहरी प्रवक्ता डिएसपी एलिसा गिरीले बताइन् ।
उनका अनुसार बाटो खुलाउन छलफलका लागि प्रमुख जिल्ला अधिकारी, जिल्लाका प्रहरी प्रमुख लगायतका अधिकारी पुगेका छन् ।