समाजिक फीड
जनकपुरधाम, पुस १३ गते ।
सिरहाको धनगढीमाइ नगरपालिका ६ मा जलेको अवस्थामा एक युवकको शव फेला परेको छ ।
गगान खोला किनारमा अन्दाजी २६ वर्षीय युवकको शव फेला परेको जिल्ला प्रहरी कार्यालय सिरहाले जनाएको छ ।
शवको सनाखत हुन नसकेको सिरहाका एसपी टेकु इवा लिम्बुले बताए । उनका अनुसार हत्या गरी युवकलाई जलाएको हुनसक्ने प्रहरीको प्रारम्भीक अनुमान छ ।
‘हामीले छेउछाउका सबैतीर कोही हराएको छ वा कोहीसँग हुलिया मिल्छ कि भनेर सोधखोज गरिरहेका छौँ । तर अहिलेसम्म पहिचान भएको छैन्, उनले भने, ‘उनको खुटा भाँचेको देखिन्छ । कतै सवारी दुर्घटना हुँदा प्रहरीले थाहा पाउनुअघि नै युवकलाई खोलामा लगेर कसैले जलाउने प्रयास गरेको हुनसक्ने हाम्रो अनुमान छ ।‘
शव पोष्टमार्टमका लागि प्रादेशिक अस्पताल सिरहा पठाइएको उनले बताए । घटनाबारे थप अनुसन्धान भइरहेको प्रहरीले जनाएको छ ।