समाजिक फीड-
जनकपुरधाम, पुस १० गते ।
धनुषामा चोरी भएको मोटर सहित एक जना पक्राउ परेका छन् ।
माछा पोखरीमा प्रयोग हुने मोटर सहित प्रहरीले लक्ष्मिनिया गाउँपालिका–५ बस्ने राजु यादबलाई पक्राउ गरेको हो ।
उनलाई धनुषाधाम नगरपालिका–८ स्थित मुलाबारीबाट पक्राउ गरिएको प्रहरीले जनाएको छ ।
प्रहरीले खोजतलाश गर्ने क्रममा चोरी भएको उक्त मोटर धनुषाको लक्षमिनियाँ गाउँपालिका–५ भंगहा स्थित खेतमा प्रयोग भएको अवस्थामा फेला परेको थियो ।
धनुषाधाम नगरपालिका–८ मा बस्ने लोटन सहनीले माछा पोखरीमा प्रयोग गरेको पानी तान्ने मोटर गत कात्तिक १३ गते चोरी भएको थियो । अनुसन्धानको क्रममा उक्त मोटर चोरी गरि राजुले बेचेको खुलेको छ ।
उनलाई नियन्त्रणमा लिइ घटनाबारे थप अनुसन्धान भइरहेको ईलाका प्रहरी कार्यालय महेन्द्रनगरले जनाएको छ ।