एजेन्सी-
जनकपुरधाम, मंसिर २४ गते ।
भारततको उत्तर प्रदेशमा एउटा गुडिरहेको कार ट्रकमा ठोक्किएर गलागी हुँदा आठ जनाको जलेर मृत्यु भएको छ।
शनिबार राति उत्तर प्रदेशको बरेलीको नैनीताल राजमार्गमा गुडिरहेको कार ट्रकमा ठोक्किएर आगलागी हुँदा एक बालकसंगै आठजनाको मृत्यु भएको भारतीय संचारमाध्यमहरुले बताएका छन् ।
बरेलीका एसएसपी सुशील चन्द्रभान धुलेका अनुसार राजमार्गमा गुडिरहेको कार ट्रकसँग ठोक्किएर आगो लागेको थियो।
गाडी सेन्ट्रल लक थियो। जसका कारण त्यहाँ बसेका मानिस बाहिर निस्कन पाएनन्।
सामाजिक सञ्जालमा देखिएको फुटेजमा कार आगोले लपेटिएको देखिन्छ भने ट्रकअगाडि उभिएको देखिन्छ।