मुम्बई । बलिउड अभिनेता जुनियर महमुदको निधन भएको छ । पेटको क्यान्सरबाट पीडित ६७ वर्षीय महमुदको गएराति मुम्बईस्थित निवासमा निधन भएको हो ।
महमुदको आज अन्तिम संस्कार गरिनेछ । उनको वास्तिविक नाम भने नईम सैयदको हो । उनले ‘हात्ती मेरो साथी’, ‘कारवां’ र ‘मेरो नाम जोकर’ जस्ता धेरै चर्चित फिल्ममा अभिनय गरेका छन् ।
उनको मुम्बईस्थित टाटा मेमोरियल अस्पतालमा उपचार भइरहेको थियो । पछिल्ला २ महिनादेखि उनको अवस्था नाजुक हुँदै गएको थियो । महमुदले २ सय ५० भन्दाबढी फिल्ममा काम गरेका छन् ।