भारत । बलिउड गायिका निकिता गान्धीको कन्सर्टमा भागदौड हुँदा ४ जनाको मृत्यु भएको छ । भारतको केरलाको कोचीन यूनिवर्सिटी ऑफ साइंस एंड टेक्नोलॉजी (सीयूएसएटी) मा आयोजित कन्सर्टका क्रममा पानी परेपछि भागदौड हुँदा चार जनाको मृत्यु भएको हो । अन्य ६५ जना घाइते भएका छन् ।
मृत्यु हुनेमा दुई किशोर र दुई किशोरी रहेको बताइएको छ । कन्सर्ट सुरु हुँदै गर्दा पानी परेपछि भागाभाग भएको थियो । एउटै गेटबाट भित्रिने र बाहिरिने व्यवस्था गरिएकोले भागाभाग मच्चिएको बताइएको छ । यो घटना हुँदा निकिताले गाउन सुरु पनि गरेकै थिइनन् ।
कार्यक्रममा टिकट भएकाहरूलाई मात्रै छिर्न दिइएको थियो । तर कन्सर्ट स्थल बाहिर पनि ठूलो भिड लागेको थियो ।