सामाजिक फीड-
जनकपुरधाम, मंसिर ५ गते ।
सशस्त्र प्रहरीले रौतहटको गुजरा नगरपालिका–३ पशुपति टोलबाट अबैध काठसहित दुईजनालाई पक्राउ गरेको छ । पक्राउ पर्ने २२ बर्षको बुद्ध थिङ र २३ बर्षको सन्दिप लामा रहेको सशस्त्र प्रहरीले जनाएको छ ।
सशस्त्र प्रहरी सुरक्षा वेश जंगल सहियाबाट सशस्त्र प्रहरी नायव निरीक्षक संजय बरालको नेतृत्वमा रहेको टोलिले अबैध रुपमा फडानी गरी प्र. २–०३००१ च ५६७१ नम्बरको पिकपमा लोड गरी लैजान लागिएको अन्दाजी ११ लाख ६० हजार मूल्य बराबरको काठ नियन्त्रणमा लिएको हो ।
काठसहित पक्राउ गरिएको दुबैजनालाई आवश्यक कारबाहीको लागि सेक्टर वन कार्यालय चहपुरमा बुझाइएको सशस्त्र प्रहरीले जनाएको छ ।