सामाजिक फीड-
जनकपुरधाम, फागुन ५ गते ।
पाकिस्तानको खैबर पख्तुनख्वाह प्रान्तमा रहेको एक सैन्य चौकीमा भएको आत्मघाती आक्रमणमा कम्तीमा १० जना सुरक्षाकर्मीको ज्यान गएको छ भने कैयौँ घाइते भएका छन्।
बीबीसी उर्दूका अनुसार बाजौर जिल्लाको मलंगी क्षेत्रमा रहेको सुरक्षा चौकीलाई लक्षित गर्दै विस्फोटकले भरिएको सवारी साधनमार्फत आक्रमण गरिएको थियो। उक्त भवन पहिले मदरसा रहेको र पछि सुरक्षा चौकीमा रूपान्तरण गरिएको बताइएको छ।
प्रहरी अधिकारीहरूले आक्रमणमा कम्तीमा १० सुरक्षाकर्मीको मृत्यु भएको पुष्टि गरेका छन्। मृतकमध्ये एक जना प्रहरी र नौ जना फ्रन्टियर कोरका सैनिक रहेका छन्।
यस घटनाबारे पाकिस्तानी सेनाले हालसम्म कुनै आधिकारिक प्रतिक्रिया सार्वजनिक गरेको छैन। खैबर पख्तुनख्वाहका मुख्यमन्त्री सोहेल अफरीदीले आक्रमणको कडा निन्दा गरेका छन्।
फाएजा फहमीदा सामाजिक फीडकी संवाददाता हून् ।