काठमाडौँ, १२ असोज । सुनसरीस्थित भूमिसुधार तथा मालपोत कार्यालयका दुई कर्मचारी घुससहित पक्राउ परेका छन् ।
शुक्रबार अख्तियार दुरुपयोग अनुसन्धान आयोगको टोलीले १ लाख ५० हजार रुपैयाँ घुस रकमसहित नायव सुब्बा सुदीप कटुवाल र खरिदार रमेश अधिकारीलाई पक्राउ गरेको हो ।
जग्गा नामसारी गरेवापत सेवाग्राहीसँग घुस माग गरेको उजुरीका आधारमा अख्तियारको इटहरी कार्यालयबाट खटिएको टोलीले उनीहरूलाई घुस रकम लिइसकेको अवस्थामा पक्राउ गरेको छ ।
इनरुवा नगरपालिका–३ स्थित मालपोत चोकबाट पक्राउ परेका उनीहरूमाथि थप अनुसन्धान सुरु गरिएको छ ।
