सामजिक फीड-
जनकपुरधाम, असार ४ गते ।
माओवादी केन्द्रसहित चार दलले आज समाजवादी मोर्चा घोषणा घोषणा गर्दै छ । माओवादी केन्द्र, जसपा, एकीकृत समाजवादी र विप्लव नेतृत्वको नेकपाले राष्ट्रिय सभागृहमा आज अपराह्न तीन बजे मोर्चा घोषणा गर्न लागेको हो ।
नेताहरूबीच भएको सहमति अनुसार, मोर्चाको नेतृत्व आलोपालो हुनेछ । तत्काललाई केन्द्रीय मोर्चा घोषणा गर्ने र आवश्यकताका आधारमा तल्लो तहसम्म संरचना बनाउने सहमति जुटेको छ ।
मोर्चाले संसद भित्र र बाहिर पनि समाजवादी विचारधारको प्रचार गर्ने तथा समाजवादका पक्षमा जनमत निर्माण गर्ने एकीकृत समाजवादीका नेता जगन्नाथ खतिवडाको भनाइ छ ।
