३ पुष, जनकपुरधाम। नवलपरासी (बरदघाट सुस्ता पश्चिम) के सुनवाल नगरपालिका–७ मे निर्मित १३२ केवी क्षमता के सुनवाल सबस्टेशन परिचालन मे आएल अछि।
परासी क्षेत्र मे संचालित उद्योग आ स्थानीय निवासी कए बिजली आपूर्ति क लेल इ सबस्टेशन पूरा करि परिचालन मे आनल गेल अछि आ जे निकट भविष्य मे खुलत। नेपाल विद्युत प्राधिकरणके अनुसार सुनवाल सबस्टेशन चालू भेला स ओहि क्षेत्रमे संचालित स्टील, सीमेंट आ अन्य उद्योग आ स्थानीय उपभोक्ताके पर्याप्त, विश्वसनीय आ गुणवत्तापूर्ण बिजली आपूर्ति भेटत।
विद्युत प्राधिकरण के कार्यकारी निदेशक कुलमान घिसिंग कहलनि जे, सुनवाल सबस्टेशन परासी क्षेत्र मे सीमेंट आ स्टील सहित पैघ उद्योग आ स्थानीय उपभोक्ता के बिजली आपूर्ति के रीढ़ अछि।
ओ कहला जे वर्तमान मे बुटवल सबस्टेशन स लंबा आ कम क्षमता वाला ३३ केवी लाइन स आपूर्ति करैत सुनवल आ परासी इलाका क उपभोक्ता कए पर्याप्त बिजली नहि भेटबाक शिकायत, वोल्टेज क समस्या आ बेर-बेर ट्रिपिंग क शिकायत भेट रहल छल। बुटवाल सबस्टेशन पर सेहो ओवरलोड भ गेल छल जे मांग कए नहि सम्हारि सकल।’
