१३ मङ्सिर, जनकपुरधाम। काठमाडौँ के थापथली स्थित बागमती नदी के किनार सुकुमबासी बस्ती के निवासी काठमाडौँ महानगरपालिका कार्यालय के सामने प्रदर्शन करलकै । बिना समुचित प्रबंधन के हुनका सब के हटाबय के खिलाफ महानगर के कार्यालय के सामने प्रदर्शन केलनि।
एकीकृत वागमती सभ्यता विकास समिति द्वारा अतिक्रमण कएल गेल झुग्गी-झोपड़ी खाली करबाक लेल महानगर सँ आग्रह केलाक बाद महानगरक टीम सोमदिन झुग्गी-झोपड़ी पहुँचल। एहि दौरान दुनू पक्षक बीच झड़प भेला पर स्थिति तनावपूर्ण भ गेल। झड़पमे नगर थानाध्यक्ष सहित ३६ गोटे घायल भेल अछि ।
काठमाडौँ महानगर प्रहरी प्रमुख राजू पाण्डेयके अनुसार आइ भोरे सुकुमबासी बस्ती स तीन सय स बेसी लोक महानगर घेरबाक लेल गेल छल । थापथली स नारा रैली मे निकलि कनि काल महानगर के खिलाफ नारा लगा क फेर थापथली वापस आबि गेलाह। थापथली के झुग्गी-झोपड़ी मे प्रवेश करय वाला मुख्य सड़क पर टायर जरा क विरोध क रहल छथिन्ह।
