सामाजिक फीड-
जनकपुरधाम, चैत ५ गते ।
सर्लाहीमा स्कुल बसको ठक्करबाट २ वर्षीय बच्चाको ज्यान गएको छ।
आज बिहान करिब ९ बजे बागमती नगरपालिका-२ टावर नजिक भित्री सडक खण्डमा जिरायतबाट हरिवनतर्फ जाँदै गरेको ना.१ क ७३८२ नम्बरको सगुन शिक्षा आवासीय विद्यालयको बसले स्थानीय श्याम गोलेका २ वर्षीय छोरा यनस गोलेलाई ठक्कर दिएको हो।
जिल्ला प्रहरी कार्यालय सर्लाहीका अनुसार गम्भीर घाइते भएका बालकको घटनास्थलमै मृत्यु भएको हो। प्रहरी प्रवक्ता डीएसपी सरोज राईले दुर्घटनामा संलग्न बस र चालकलाई नियन्त्रणमा लिइएको जानकारी दिएका छन्।
बस चालक हरिवन नगरपालिका-११ प्रगति टोलका ५० वर्षीय सुर्यबहादुर थापालाई प्रहरीले नियन्त्रणमा लिएर घटनाबारे थप अनुसन्धान अघि बढाएको जनाएको छ।
कुन्जन मिश्र सामाजिक फीडका संवाददाता हून् ।