सामाजिक फीड-
जनकपुरधाम, भदौ १४ गते ।
जनकपुरमा हिन्दू समुदाय र प्रहरीबीच भएको झडपमा प्रहरीले ३० राउन्ड हवाई फायर र ३१ सेल अश्रुग्यास प्रहार गरेको छ ।
जनकपुरधाम उपमहानगरपालिका २० देवपुरारूपैठामा झण्डा हटाउने विषयमा आइतबार प्रहरी र हिन्दू समुदायबीच झडप भएको थियो ।
यसमा स्थिति नियन्त्रणमा लिन प्रहरीले ३० राउन्ड फायर गरेको धनुषाका प्रहरी उपरीक्षक नरहरि रेग्मीले जानकारी दिए । उनका अनुसार १४ डमी, ११ राउन्ड पेस्तोलबाट र ५ लाइबरल प्रहार गरिएको हो ।
यस्तै ३१ सेल अश्रुग्यास प्रहार भएको उनले बताए । प्रहरीको गोली लागेर स्थानीय २९ वर्षीय लक्ष्मण मुखिया घाइते भएका छन् । उनको दुबै घुँडामा गोली लागेको हो ।
यस्तै ढुंगामुढाबाट सातजना प्रहरी घाइते भएका छन् । घाइतेहरूको प्रादेशिक अस्पताल जनकपुरमा उपचार भइरहेको छ ।
