सामाजिक फीड-
जनकपुरधाम, मंसिर १७ गते ।
मनिषा कोइरालाले सञ्जयलीला भन्सालीको नेटफ्लिक्स सिरिज हीरामण्डी बाट उत्कृष्ट अभिनेत्रीको फिल्मफेयर ओटीटी अवार्ड जितेकी छन्। यो जितपछि उनले सामाजिक सञ्जालमार्फत आफ्नो खुसी व्यक्त गरेकी छिन्।
उनले लेखेकी छिन्, “नायिकाको रूपमा मेरो पुनरुत्थान नै हीरामण्डी हो भन्ने कुरा यो अवार्डले प्रमाणित गर्छ। मैले मेरो प्रदर्शन, मेरो लुक, मेरो उर्दू उच्चारण र शारीरिक भाषामा साँच्चै कडा मेहनत गरेकी छु।”
मनिषाले सिरिजमा निभाएको मल्लिकाजन नामक पात्रबारे भनिन्, “मेरो चरित्र मल्लिकाजन रहस्यमय थियो। उनको दयालुता र क्रूरताको संयोजनले उनलाई अद्वितीय बनाएको छ। यो चरित्र निर्माण गर्नुभएकोमा म सञ्जयलीला भन्सालीलाई धन्यवाद दिन चाहन्छु।”
मनिषाको भन्सालीसँगको सहकार्य १९९६ को खामोशी: द म्युजिकल बाट सुरु भएको हो। उनले भन्सालीको सिर्जनशीलताबारे भनिन्, “खामोशीमा उनले सुन्दर संसार सिर्जना गरे। अब हीरामण्डीको भव्यतासँग उनी फेरि दर्शकलाई मोहित पार्न सफल भएका छन्।”
मनिषाले हीरामण्डीलाई आफ्नो करियरको नयाँ सुरुवातका रूपमा लिएकी छन्। उनले भनिन्, “यो पुरस्कार मेरो पुनरुत्थानको प्रमाणीकरण हो। यसले म सही बाटोमा छु भनेर देखाउँछ। म हीरामण्डीको दोस्रो सिजनमा काम सुरु गर्न उत्सुक छु।”
सिरिज हीरामण्डी मा मनिषाले गरेको उत्कृष्ट प्रदर्शनले दर्शक र समीक्षकहरूको प्रशंसा प्राप्त गर्दै उनलाई पुनः स्टारडममा पुर्याएको छ।सामाजिक फीड-
जनकपुरधाम, मंसिर १७ गते ।
