२३ कार्तिक, जनकपुरधाम। नेपाली कांग्रेसका प्रवक्ता प्रकाशशरण महतले अहिले चुनावी गठबन्धन हुनुको कारण मिश्रित निर्वाचन प्रणाली रहेको बताउँदै भने, ‘हामीसँग पहिलो हुने र समानुपातिक दुवै निर्वाचन प्रणाली रहेको विद्यमान प्रणालीमा एउटै राजनीतिक दललाई बहुमत ल्याउन गाह्रो छ । त्यसैले निर्वाचनपछि सरकार गठनको प्रक्रियालाई सहज बनाउने उद्देश्यले गठबन्धनको बाटो रोज्नुपरेको हो,’ आज बिहान प्रेस युनियन मकवानपुरले हेटौंडामा आयोजना गरेको पत्रकार सम्मेलनमा बोल्दै उनले भने ।
‘निर्वाचन जित्न मात्रै होइन, निर्वाचनपछिको अवस्थामा हाम्रो पार्टीको नेतृत्वमा बहुमतको सरकार बनाउन पनि गठबन्धन महत्वपूर्ण हुन्छ,’ महतले आफ्नो पार्टी र अन्य दलबीचको गठबन्धनले चुनाव जित्ने दाबी गर्दै भने । गठबन्धनको यस्तो जितले संविधानको रक्षा गर्दै देशलाई संवैधानिक बाटोमा लैजानेछ ।
