२० कार्तिक, जनकपुरधाम। सुरेन राणाले आज यहाँ गोकर्ण गल्फ क्लबमा सातौं लक्ष्मी बैंक खुला गल्फ प्रतियोगिताको उपाधि जितेका छन्।स्टेबलफोर्ड ३/४ ह्यान्डिक्याप फर्म्याटमा खेलेका राणा किशोर बस्नेतसँग ४० अंकको बराबरीमा काउन्ट ब्याकमा पहिलो स्थानमा छन् । राणाले ब्याक नाइनमा २३ अंक जोडे भने बस्नेतले २० अंक जोडेर उपविजेता बने ।
लेफ्टिनेन्ट कर्णेल निश्चयजंग रायमाझीले ३७ अंकसहित ग्रस सेक्शनको उपाधि जिते । महिलातर्फ गीता गुरुङले ३० अङ्कका साथ उपाधि जिते भने सिनियरतर्फ महेन्द्र मैनाली ३६ अंकका साथ उपाधि जिते । आङ दोर्जी शेर्पाले ३७ अंक जोडेर लक्ष्मी बैंकका ग्राहकहरुमध्ये पहिलो रहेकी छिन् भने ४१ अंकका साथ जुनियर खण्डको उपाधि आइस्टिना टण्डनले जितिन् ।
वाङ्चेन धोन्डुपले सबैभन्दा धेरै बर्डीज ट्रफी जिते, जबकि क्याप्टेन नोर्बु शेर्पा र मिथुन राईले क्रमशः सबैभन्दा लामो ड्राइभ र क्लोजेस्ट टु द पिन अवार्ड जितेका थिए। हुन्डाई कोना कार र हिरो लेक्ट्रो F6i इलेक्ट्रिक साइकलको होल-इन-वन पुरस्कार कसैले जित्न सकेनन्। प्रतियोगितामा कुल ११३ गल्फ खेलाडीले भाग लिएका थिए। विजेताहरुलाई लक्ष्मी बैंकका अध्यक्ष रमन नेपाल, प्रमुख कार्यकारी अधिकृत अजय विक्रम शाह, गोकर्ण गल्फ क्लबका अध्यक्ष सुहृद घिमिरे र क्याप्टेन जोसेफ नाथनले पुरस्कार वितरण गरेका थिए ।
