समाजिक फीड
जनकपुरधाम, माघ २१ गते ।
मधेश प्रदेशसभा स्थापना भएको ६ वर्ष पुरा भएको छ ।
यसअवधिमा प्रदेशसभाको २७५ वटा बैठक बसेको छ ।
प्रदेशसभा सचिवालयका अनुसार त्यसअवधिमा ३८६ घण्टा ३१ मिनेट ५६ सेकेन्ड बैठक चलेको छ ।
२०७४ माघ २१ गते प्रदेशसभाको पहिलो बैठक बसेको थियो ।
२०७९ असार ३२ सम्म प्रदेशसभाको ९ वटा अधिवेशनमा २२८ वटा बैठक बसेको थियो ।
दोस्रो कार्यकालमा भने २ वटा अधिवेशनमा ४७ वटा बैठक बसेको प्रदेशसभा सचिवालयले जनाएको छ ।
पहिलो कार्यकालमा प्रदेशसभाको ९ वटा अधिवेशनमा २२८ वटा बैठक बस्दा कुल ३ सय ११ घण्टा १८ मिनेट ५६ सेकेन्ड प्रदेशसभा सञ्चालन भएको थियो ।
दोस्रो कार्यकालको पहिलो वर्षमा भने प्रदेशसभाको २ वटा अधिवेशनमा ४७ वटा बैठक बस्दा ७५ घण्टा ३१ मिनेट बैठक चलेको प्रदेशसभा सचिवालयले जनाएको छ ।
