सामाजिक फीड-
जनकपुरधाम, पुस १६ गते ।
मंसिर १३ गते बालकुमारीमा प्रहरीको बलप्रयोगबाट मृत्यु भएका अछामका वीरेन्द्र शाह र दैलेखका सुजन राउतलाई सरकारले सहिद घोषणा गर्ने भएको छ । मृतकका परिवार र सरकारबिच भएको ४ बुँदे सहमतिमा दुई जनालाई सहिद घोषणा गर्ने सहमति भएको हो । सहमितको तेश्रो नम्बर बुँदामा सरकारले मृतकलाई सहिद घोषणा गर्ने उल्लेख छ ।
गत शुक्रबार बालकुमारीस्थित ईपीएस कोरिया शाखा कार्यालयमा परीक्षा फाराम भर्ने विषयलाई लिएर भएको प्रदर्शनको समयमा प्रहरीको अत्यधिक बल प्रयोगबाट दुबैजनाको मृत्यु भएको थियो ।
सो घटनाको छानबिनका लागि सरकारले उच्चस्तरीय न्यायिक छानबिन समिति गठन गरिसकेको छ भने मृतकका परिवारका सदस्यलाई प्रति परिवार दश लाख रकम उपलब्ध गराउने निर्णय पनि गरिसकेको छ ।
